ازاي تبقي شيف كشرى في البيت

عشاق الكشري 👇

ازاي تبقي شيف كشرى في البيت وطلعي تست الكشري زي المحلات بالظبط
اليكم بعض الأسرار لوجبه كشري ل_9افراد مثلاً
اولا _هتحمري شعرية لوحدها ولازم الزيت يكون سخن قبل ماتنزلي بالشعرية في الزيت
ثانيا نفس الزيت بتاع الشعرية هتحمري فيه البصل
وطريقة البصل بتقشري البصلة عادي وتحاولي انك متطلعيش هوالك فيها وتخرطيها شرايح ناعمه جداً وتحطيه في مصفي وترشي عليه نشا وانزلي بيه في الزيت ولازم يكون الزيت زياده في الطاسة لانه هنستخدمه في كل الطبخه

ثالثا المكرونه. ***
_هنستخدم نوع مكرونه الملكه ونختار اصغر حجم منه
الا وهو الخرز هتجيبي كيلو ونص مكرونه خرز
هتسلقيها عادي وتصفيها وتسبيها في المصفي وتغسليها بمياه سخنه وبعد ماتصفي المياه هتزيتيها بطشه توم
تعديل
هتحطي معاهم ربع كيلو سباكتي قبل ماتنزلي المكرونه الخرز ب 5 دقايق
#رابعا_الارز ***
هتسخني مياه اول ماتبدا تغلي تحطي 60جرام عدس اصفر
وتسبيه 5دقايق لوحده في المياه وبعد كده تحطي نص كيلو ارز اول مايقرب يستوي ترمي عليه شعريه متحمره حوالي تمن كيلو
وتطلعي الارز ناقص سوا
وتنزليه في المصفي
اول مايتصفي من المياه هترشي عليه ربع معلقه قرفه وربع معلقة زنجبيل ومعلقه كمون وتعملي طشه توم وتنزليها عليه
#خامسا_العدس*****
هتجيبي ربع ك عدس وتبليه في مياه عاديه تسبيه 10دقايق
وتصفيه وبعد كده تنزليه في مياه بتغلي عشان تسلقيه
وبعد مايستوي تطلعيه في مصفي وتسبيه يتصفي وبعد مايتصفي ترشي عليه كمون وتنزليه في حلة فاضيه وتحطيه علي النار وتكون نار هاديه جدا شمعه وتقلبي فيه عشان ميتحرقش وتهرسيه فيه بكبايه كبيرة وتطلعيه للهوا ينشف
#سادسا_الحمص
حضرتك اول ماتقراي البوست تبليه في مياه عشان تعمليه بكره 😂😂
وهتغليه عادي في اليوم الثاني ياخد غلوه واتنين وتلاته كمان لانه رزل اوي 😂😂
******#ركزوااا_في_اهم_حاجه_الصلصه

هتخلطي 3ك طماطم وتصفيهم
_هتسخني الزيت وتحطي راسين توم متوسطين ويكونوا مهروسين وبعد ما التوم يحمر تحطي عليه كسبره ناشفه معلقة كبيرة ومعلقة كمون وتقلبيهم مع التوم كويس وانزلي بعصير الطماطم اول غلوه للصلصه تحطي شويه بصل من اللي انتي حمرتيهم والغلوه التانيه تحطي 3معالق ملح ومعلقة كسبره ناشفه وكمون وربع معلقة قرفه وربع معلقة زنجيبل ونص ملعقة فلفل ابيض واسمر وتسبيها تستوي كويس
#ثامنا_الشطه
سخني الزيت حمري فيه 3معالق شطه سخنة وعليه كباية صغيرة صلصة وربع كباية مياه وسبيها تغلي غلوه
#تاسعا_واخيرا_الدقه
هاتي راسين توم و3لمونات وفلفل اخضر عدد2
وعدد2فلفل رومي الوان واضربيهم مع بعض
بعد ماتطلعيهم من المفرمه حطيهم في اناء ضيفي عليهم 3معالق ملح ونص معلقة شطه ومعلقة كسبره ناشفه ومعلقتين تلاته خل وزودي ميا علي حسب الرغبة واضربيهم بالمضرب كويس وبالهنا والشفا

#احنا_بكده_نكون_خلصنا_وابقوا_قابلوني_لوحد_شغلني_تاني😂😂😂😂😂انتظروا مزيد من الأسرار
👇👇👇👇👇
مع الشيف Mohamed Fawzey
المره الجايه طواجن المكرونه بانواعها
معاكم في الكومنتات