طريقة بسيطة للناس المبتدأة اللي زي حالاتي تروح لبلوج وتعمل مدونة

طريقة بسيطة للناس المبتدأة اللي زي حالاتي .. وخصوصا لل content writers
لو نفترض انك شغال فريلانس
او شغال full time او part time
لو نفترض انك بتكتب في اليوم 5 مقالات ..
هتتعب ساعتين كل يوم ولمدة شهرين تلاتة .. في المتوسط هيبقى معاك مش اقل من 60 مقالة حصري

هتشتري حساب ادسنس عادي .. او تسجل واحد جديد ويفضل تشتري افضل

ال 60 مقالة قبل ما تبدأ تكتبهم تكون محدد نيتش كويس وفاهم فيه وتروح لبلوجر .. وتعمل مدونة بدومين مجاني لو مش معاك حق الدومين المدفوع .. وعن تجربة منصة بلوجر سهل جدا تتصدر بيها في نيتشات كتير وده عن تجربة شخصية بس تكون فاهم seo صح
ولو معاك فلوس اشتغل وردبريس لانه اسهل

وتبدأ تنشر كل يوم مقالتين ..
وبعد ما تنشر المقالتين .. تبدأ تنشر المقالات على
Facebook
Twitter
Google plus
Yotube
هتقولي ازاي انشر يوتيوب .. اقولك انا
وليكن موضوعك عن طريقة زراعة الفراولة في المنزل
هتجيب صور لفراولة مزروعة من جوجل وتركبهم وتتكلم بصوتك عن طريقة ومراحل زراعة الفراولة في المنزل .. وتحط لينك الموضوع في الوصف الخاص بالفيديو ..
يبقى هتستفاد سوشيال سيجنالز .. وهتستفاد ترافيك لو الفيديو بتاعك سمع بعد كده

Pinterset
Instagram
Tumbler
وما تعملش ولا باك لينك واحد ..
بعدها في خلال اول 3 شهور بنسبة 90 % مقالاتك متأرشفة وجوجل وثق في موقعك .. وظاهر صفحة اولى في بعض النتائج

هتكون معاك زوار في اليوم ان شاء الله مش اقل من 400 زائر هيجيبولك حوالي 2 دولار في اليوم ان شاء الله .. تستنى لحد ما تطلب pin code وفعل حسابك بكل بساطة ..

بعد كده تنشر كل يوم مقالة .. وتبدأ تشتغل باك لينك ..
في خلال 6 شهور بفضل الله هيكون زوارك مش اقل من 800 الى 1000 زائر يومي .. هيجيبولك 5 دولار في اليوم .. في خلال سنة ان شاء الله هتلاقيك بتعمل 300 دولار مستريح
اقول قولي هذا .. واستغفر الله لي ولكم
والله اعلم