شرح لتجربتى مع جوميا ازاى ابيع و ابدا المتجر بتاعى معاهم

اكتر من مرة حد يسال عن جوميا و ازاى ابيع من عليها و اية الطلوب عشان ابدا المتجر بتاعى معاهم.
فعملت شرح مختصر لتجربتى مع جوميا و ازاى انتا لو مشيت عالخطوات دى تقدر تبيع و تكسب من على جوميا بسهولة .
نظام البيع على جوميا اسمة البيع بالعمولة يعنى انتا بتعرض منتجاتك و اللى بيتباع جوميا بتاخد منة نسبة متفق عليها و عشان تعرف جوميا هتاخد منك كام عمولة على المنتج بتاعك ادخل هناhttps://goo.gl/BwVcsK
و الاتفاق بيكون ان عندك منتجات بتعرضها على الوقع بتاعهم و جوميا بتقوم بشحن المنتج من بيتك لمركز الشحن و من مركز الشحن للمستهلك و بتحصل المبالغ كمان و كل اول اسبوع بتعملك تحويل على الحساب البنكى بتاعك بعد ما بتخصم عمولتها .
طيب اية الخطوات المطلوبة عشان تبدا شغل مع جوميا : 
1- يكون عندك منتجات ينفع تتعرض على جوميا زى الملابس و الاكسسوارات و الاجهزة المنزلية و الالكترونية و منتجات السوبر ماركت و ادوات مكتبية و رياضية و غيرهم .
2- محتاج يكون معاك بطاقة فى حالة انك هتشتغل فى الملابس و الاكسسوارات و المنتجات الجلدية و بعض المنتجات الاخرى 
3- محتاج يكون معاك سجل تجارى لو هتشتغل فى الاجهزة المنزلية او الالكترونية او المنتجات الغذائية او المكياج و الكوزماتكس والمنتجات الصحية و غيرهم .
4- ضرورى يكون عندك حساب فى اى بنك باسم صاحب البطاقة فى حالة الاشتراك بالبطاقة او باسم الشركة او صاحب الشركة فى حالة الاشتراك بالسجل التجارى.

هتبدأ تسجل بياناتك فى جوميا من هنا https://goo.gl/fxqFBk ( و لو حابب تعمل مع اخوك واجب بتيجى عند هل تم ترشيحك لجوميا من قبل بائع أخر ؟ و تحط ايميل اخوك الغلبان hesham.elbltagy@gmail.com )
تمام كدة خلال يوم هيكون عندك متجر على جوميا و طبعا هيتصلو بيك ياكدو معاك و من هنا هتبدا ترفع منتجاتك و توصفها و تكودها و تحطلها سعر و خصم و صورة توضحها و عشان تعرف تعمل كل دة جوميا عاملة كورس توضح فية بالتفصيل كل حاجة على اللينك دة :https://youtu.be/Oal-Iaicpuo او بتروح مركز التدريب بتاعهم بتاخد دورة مجانا او لو فى حاجة معينة واقفة اسالنى على طول .
متنساش كمان تمضى معاهم العقد دة https://goo.gl/qEBrcS و تبعتة لمقر الشركة فى التجمع ( مش شرط فى الاول ) .
من خلال تجربتى جوميا و سوق وفرو عليا مشاكل الشحن و التحصيل و صداع التواصل مع العميل و التسويق بعيد عن الفيس بوك و مشاكله و تكلفتة اللى بتزيد كل يوم.
ملاحظة 1 : الشركة كويسة و بتراعى البائع زى المشترى و نظام التعامل معاها سهل من خلال الموقع بتاع البائعين او ابليكيشن موبيل على جوجل ستور .
ملاحظة2 : جوميا مش المكان اللى تعمل معاة براندينج و تكبر اسم النتج هو مجرد قناة بيع بتتاجر عليها و تكسب .
و لو عايز تعرض حاجتك على جوميا مع غير كل دة ابعتلى وبتفق اعرضهالك مع منتجاتى بس تكون فى مجموعة الملابس و الاكسسوارات .
لو عندك سؤال او استفسار او حاجة موضحتهاش ابعتلى و يفضل تسال عالجروب عشان الكل يستفيد .
تابعنى البوست الجاى هشرح souq.com