#تجربتى مع العطور

#تجربتى مع العطور
من اكثر ١٢ سنه وانا بشتغل فى العطور 
كنت شغال فى مطبعه وكانت الظروف معايا كانت صعبه فحبيت ازود دخلى وبدأ الموضوع معايا 
كنت بجيب زيت خام الاول وكنت من عشاق العطور
وكذا حد من صحابى كان بيشم العطر عليا يقولى انا عاوز زى ده 😍
مره على مره قلت ايه المشكله لو جبت واشتغلت فيها ومنها زياده فى الدخل
وبدأت اجيب واركب فى البيت
وبدأت ب٢٠٠ جنيه
وكنت انزل اجيب الى مطلوب واركب وابيع
ومع الوقت اتعرفت فى المنطقه وبدا الموضوع يوسع معايا اللهم بارك 👊👆😍
وبعد فتره ربنا اكرمنى بواحد صاحبى محترم وساعدنى فى فتح المشروع على ارض الواقع وكان هذا بعد فضل الله عز وچل عليا
الى عاوز أقوله ان الموضوع سهل جدا وبسيط جدا ومربح
وهيكون سند للظروف الاقتصادية التى تمر بينا الان
فى ناس هتقول ياعم هو الناس لاقيه تاكل علشان تشترى عطور
هرد عليه واقوله
زى ما فى ناس مش لاقيه تاكل وبتشترى سجائر
فى ناس العطور عندها جزء من شخصيتها
فى ناس تانيه هتقول طيب انا معييش فلوس كتير
هقولها أن الموضوع ممكن يبدا ب١٠٠ جنيه ولا اى مشكله.👉
😱ازاى ياجدع
هقلك هنشوف حد محترم بتاع عطور يبعلك ازازير العطور التركيب جاهزه طبعا مع فرق السعر علشان انت هتاخد منه كذا واحده وعاوز تكسب فيهم
وتبعهم لصحابك وتطلع مكسبك بقى ٢جنيه ٥ جنيه ١٠ جنيه على حسب حجم الازازه وعلى حسب تركيزها
مره على مره تتعلم التركيب وتشتغل مع نفسك فى البيت
وان شاء الله ربنا يكرمك حتى لو محل متر فى متر هيبقى احسن من الشغل عند الناس
ارجو من الله أن اكون افدتكم
وتحت امركم فى اى استفسار فى حدود علمى
وارجو ان تتدخلوا على الهاشتاج ده #تجربة_توعيه
هتلاقوه بعض النصائح الى كتبتها لمحبى العطور التركيب
وجزاكم​الله خيرا 👊