الملهم في قصة نجاح شركة Nike مش بس البداية الصعبه اللى كانت من الجراج , ولا ان " فيليب نايت " مكنش معاه فلوس يعمل لوجو للشركة , ولا أنه بدء الترويج لمشروعه مع شريكه " بيل باورمان " وكانوا بيبيعوا المنتجات بتاعتهم على الأرصفه وفي سكك الحديد عشان مؤمنين بالحاجة اللى بيعملوها
الملهم مش ده بس , الملهم ان البنت اللى عملت اللوجو بتاع الشركة , أخدت 35 دولار فقط , بعد ما " فيليب نايت " داخ على حد يعمله اللوجو بسعر بسيط لانه مكنش معاه 800 دولار سعر اللوجو اللى المحترفين طلبوه منه
الملهم فعلا ان الشركة بعد ما حققت نجاحات كبيرة وأصبحت من أكبر الشركات في الأحذية والملابس والأدوات الرياضية في العالم , " فيليب نايت " عمل حفلة ضخمة وعزم فيها البنت دي بعد 10 سننين من عمل اللوجو وأعطاها خاتم ألماس و5000 سهم في الشركة " بما يقدر بعشرات الملايين "
البنت عملت الخير ورمته في البحر , مكنش في دماغها خالص انها في يوم من الايام هتحصل على كل الملايين دي
ده ياخدنا لنقطة مهمة جدااا , كل بوست بتكتبه عشان تفيد بيه غيرك مجانا هتكسب ادامه كتيير , اوعى تفتكر انك لما بتساعد حد مجاني ان ده بيعدي كده وخلاص , اوعي تظن انك لما تشوف حد كاتب بوست ومحتاج فيه مساعدة وانت بتاخد من وقتك وجهدك عشان تجاوبه , ان ده هيمر كده , لا اطلاقاااااااا , تأكد ان ربنا هيعوض عن وقتك وجهدك ده في حاجة تانية أفضل وهيكرمك في حياتك ..
تعليقات
إرسال تعليق