ولنا في " Ford " عبرة ..
فيه ناس بتظن انها لما بتوصل لمرحلة معينة من التعلم فكده خلاص هي وصلت ومش محتاجة حاجة تانية , فيه ناس بتظن انه مجرد ما يسمع كورس او يحضر ايفنت او محاضرة انه كده خلاص بقى مؤهل للشغل , فيه ناس بتوصل لمرحلة كبيرة من التعلم وبتقف , فيه ناس مش بتطور نفسها بإستمرار
عايز أقولكم ان كل واحد فينا لازم كل يوم يكون فيه جديد في حياته , جديد في المجال اللى عايز يتعلمه , جديد في المجال اللى عايز يطور نفسه فيه , جديد بتضيفه لمعلوماتك وخبرتك , جديد بتستثمر فيه نفسك لإدام , جديد بيعلي من سعرك واسمك , جديد لازم يدخل عقلك ويطور فكرك , لازم كل يوم تطور نفسك بإستمرار خاصة ان المجال بتاعنا ده فيه كل يوم تحديثات واللى بيفرق شخص عن التاني مدى اجتهاده وفهمه واستيعابه للأمور
عايز أقولكم كمان حاجة مهمة جدا , الشخص اللى مش بيتقدم ده ولا بيطور نفسه كل يوم , هو بيرجع لورا مش ثابت في مكانه , اه والله بيرجع لورا كتييييييير , وهيلاقي فيه كتييييير هيسبقوه وهيجد نفسه بعد قترة بيجري على الشركات واصحابه عشان يترجاهم عشان يلاقوه له شغل , في حين هو لو كان بيطور نفسه ومجتهد كان زمان الشغل هو اللي بتجري وراه .
بالمناسبة دي هحكي لكم قصة فيها عبر كتييييييرة
وهي قصة " هنري فورد " مؤسس شركة " FORD " للسيارات المعروفة على مستوى العالم , الحاج فورد ده بعد ما اجتهد وتعب ونجح الشركة وخلاها رقم واحد في الربع الاول من التسعينات , ظن انه كده خلاص وصل ومعدش محتاج اي حاجة تانية , بدأ يحصل فيه خلل كبير في الادارة وتصارع بين المديرين والوشايه للمدير وخلافه , ومعدش فيه تطوير ولا منافسه حقيقية مع الشركات , وكانت النتيجة الطبيعية ان الشركة تنهار , ايوه بدأت تنهار تنهار تنهار لمدة طويلة جداا , لحد ما جه المنقذ " فورد " الحفيد , اول حاجة عملها انه غير الادارة كلها , غير الدمغة اللى بقت متوقفه عند حد معين , غير الاشخاص اللى بقى معدش ولا واحد فيهم بيطور نفسه , غير المديرين اللى كانوا شايفين الدنيا بتخرب وهما ولا على بالهم .
وهي قصة " هنري فورد " مؤسس شركة " FORD " للسيارات المعروفة على مستوى العالم , الحاج فورد ده بعد ما اجتهد وتعب ونجح الشركة وخلاها رقم واحد في الربع الاول من التسعينات , ظن انه كده خلاص وصل ومعدش محتاج اي حاجة تانية , بدأ يحصل فيه خلل كبير في الادارة وتصارع بين المديرين والوشايه للمدير وخلافه , ومعدش فيه تطوير ولا منافسه حقيقية مع الشركات , وكانت النتيجة الطبيعية ان الشركة تنهار , ايوه بدأت تنهار تنهار تنهار لمدة طويلة جداا , لحد ما جه المنقذ " فورد " الحفيد , اول حاجة عملها انه غير الادارة كلها , غير الدمغة اللى بقت متوقفه عند حد معين , غير الاشخاص اللى بقى معدش ولا واحد فيهم بيطور نفسه , غير المديرين اللى كانوا شايفين الدنيا بتخرب وهما ولا على بالهم .
غير كل ده , وبدأ يجيب ادارة جديدة خالص , ادارة قوية , ادارة بتطور نفسها , ادارة عندها حلول للكارثة اللى بقوا فيها , ادارة بتشتغل بروح واحدة ومفيش خبث ولا ضرب من تحت الحزام في بعضهم , بعد سنتين بس من الشغل والتطوير رجع شركة " Ford " لمكانها تاني وحقق مكاسب بالملايين من جديد .
عشان كده لازم كل واحد فينا يطور نفسه بإستمرار ويستغل وقته ويضيف لنفسه كل يوم , عشان هتفرق معاك كتييييير أووووووووي في حياتك كلها ..
تعليقات
إرسال تعليق